NAGA CITY– Mantang labi an pagpasalamat na nasangatan na nin kaso an suboot mga tao na nasa likod kan pangagadan ki Jeraldyn Rapiñan haleng Baao, Camarines Sur, hagad man ngunyan kan mga kaparyentes kan biktima na magsuko na mga ini.
Sa entrevista kan Bombo Radyo Naga sa sarong kaparyente kan biktima, sinaysay kaini na dae naman suboot matatago kan saro sa mga suspek na si Fr. Paul Tirao na maninigo na ining magluwas.
Nanindugan an mga ini na sagkod sa huri na si Tirao giraray an pigtutubodan ninda na nasa likod kan nasambitan ng krimen.
Marurumdoman na nangapudan na an PNP sa padi asin sa saro pang akusado na mantang mayo pang pigluluwas na mandamyento de aresto mas maray na suboot na maglantad na tanganing malinigan kan mga ini an saindang mga pangaran.
Bulan nin Hunyo kan madukayan an bangkay ni Rapiñan sa gilid kan tinampo sa banawaan kan San Fernando kun saen makikihilingan kuta na ini sa nasambitan ng padi tanganing kuanon an kwartang pambunyag sa saindang aki.
