Naghagad an depensa ni Vice President Sara Duterte sa Senate impeachment court na tugutan sinda na magpresentar nin rebuttal evidence sa mga alegasyon na sakop kan tulong iniurong na articles of impeachment.
Segun ki Atty. Michael Wesley T. Poa, tagapagtaram kan grupo nin depensa, dai ninda kinokontra an desisyon kan prosekusyon na i-withdraw an Articles I, III, asin IV. An saindang pagmakulog ay kun matatawan pa sinda nin oportunidad na magpresentar nin mga testigo tanganing simbagon an mga ebidensiyang naipresentar na, partikular sa usapin kan confidential funds asin grave threats.
Iginiit ni Poa na importante na madangog kan publiko an magkabilang lado tanganing magkaigwa nin bilog na pagkasabot sa mga alegasyon. Boot man ninda na maipaliwanag kan saindang mga testigo an mga isyung natalakay na kan prosekusyon bago hinali an nasabing mga artikulo.
Ikinomparar man ni Poa an sitwasyon sa impeachment trial ni dating Chief Justice Renato Corona, kun sain segun saiya, dai pa nakakapagpresentar nin ebidensiya an prosekusyon sa mga artikulong inurong kaini.
Sa presenteng kaso, naenot nang nagpahayag nin testimonya an prosekusyon sa nagkapirang alegasyon bago nagdesisyon na bawi’on an mga ini.
