NAGA CITY– Nangapudan ngunyan an Philippine National Police (PNP) sa duwang suspek kaiba an sarong Padi na nasa likod suboot kan pangagadan sa kailusyon kaini na magluwas na sana asin makitabangan sa otoridad.
Sa entrevista kan Bombo Radyo Naga ki PSupt. Venerando Ramirez, tagapagtaram kan Camarines Sur Police Provincial Office (CSPPO), sinaysay kaini na mantang mayo pang pigluluwas na mandamyento de aresto laban sa mga ini, mas maray nang maglantad na an mga suspek tanganing malinigan an saindang mga pangaran.
Miski pigsangat na ninda an kasong murder laban sa mga suspek kun saen saro igdi si Father Paul Tirao na suboot kailusyonan kan biktimang si Jeraldyn Rapiñan, alagad padagos pa an paghanap ninda nin mga ebidensya sa krimen.
Marurumdoman na haros sarong bulan an ginibong imbestigasyon kan Special Investigation Task Group (SITG-Jeraldyn) bago masangatan nin kasong Murder an nasambitan ng mga suspetsado.
Si Father Paul Tirao, an enot nang pinangaranan sa orolay makalihis na idoon kan pamilya Rapiñan na siya an makakahilingan kuta na kan biktima na suboot ama kan aki kaini.
