NAGA CITY– Gadan an tolo katao makalihis na salpukon kan pick-up an sarong motorsiklo sa Barangay Isabang, Tayabas City.
Binisto an mga biktima na sinda Efren Alvarez, driver kan motorsiklo kaiba an mga back riders na sinda Richard Alvarez asin Vedasko Javier Pornasdoro Jr.
Sa nakuang impormasyon kan Bombo Radyo Naga sa Quezon Police Provincial Office (QPPO), mantang pibabagtas kan motorsiklo na minamaneho ni Alvarez an tinampo sa nasambitan ng lugar kan bigla kaining mahagop kan Hi-Lux na minamaneho ni Faustino Mark Anthony Suyat Dela Cruz, 35-anyos.
Katakod kaini, tolos man na pigdalagan sa ospital an mga biktima alagad tolos na binawian nin buhay.
Mientrastanto, napag-araman na burat an driver kan Hi-Lux kan mangyari an insidente.
Sa ngunyan, nasa kustodiya na kan mga otoridad an suspek asin sinangat na an kaso laban igdi.
