Epektibo na ngoniang Miyerkules, Oktubre 14, 2026, an bagong minimum wage rates para sa mga trabahador asin kasambahay sa Central Visayas, susog sa mga wage order na ipinaluwas kan Department of Labor and Employment (DOLE).
Sa irarom kan Wage Order No. ROVII-27, malangkaw nin P42 na dugang sa aldawan na minimum na sweldo kan mga trabahador sa Class A areas, kaya magigin P582 na ini. Mientrastanto, P542 man an bagong aldawan na minimum na sweldo sa Class B areas.
Kaiba sa Class A an mga syudad kan Carcar, Cebu, Danao, Lapu-Lapu, Mandaue, Naga asin Talisay, siring man an mga munisipalidad kan Compostela, Consolacion, Cordova, Liloan, Minglanilla asin San Fernando, o an Expanded Metro Cebu.
Para man sa mga domestic worker o kasambahay, magigin P7,500 na an bulanang minimum na sweldo, kasunod kan P500 na dugang sa irarom kan Wage Order No. ROVII-DW-06.
