NAGA CITY— Gadan an sarong suldado mantang pitutubodan na kadakol an nairido sa lado kan mga rebeldeng New People’s Army (NPA) sa surunudang enkwentro sa probisya nin Quezon .
Sa impormasyon pigtoon ni Capt. Patrick Jay Retumban, chief ng Division of Public Affairs Office (DPAO) kan 2nd Infantry Divison, Philippine Army, napag-araman na nagsagibo nin Focused Miitary Operation an 92nd Infantry Battalion sa Sitio Dadyangao, Barangay Umiray, General Nakar makalihis na makaresibe nin impormasyon dapit sa extortion activities kan mga rebelde sa lugar.
Naabutan kan tropa kan gobyerno an mga rebelde na nagpuli sa bakbakan na naghaloy sa haros 20 minutong ribayan nin putok.
Napuruhan sa pangyayari si Pvt. James Lanes, 24-anyos alagad posible suboot na kadakol man an nalugadan sa mga rebelde huli sa mga turo nin dugo na nadukayan sa pwesto kan mga ini.
Mientrastanto nasundan pa an putukan sa Sitio Madaraki sa parehong barangay na naghaloy sa haros 15 minutos na enkwentro alagad mayo man nairido o nagadan sa pangyayari.
Pigsiyerto ngunyan kan 2nd ID na padagos an saindang operasyon tanganing mapangatamanan an seguridad kan mga residente sa lugar.
