Mangengenot si Pinoy gymnast Carlos Yulo na representante sa 2026 FIG World Artistic Gymnastics Championships na gigibuhon sa Rotterdam, Netherlands.
Makakaibahan niya an saiyang tugang na si Karl Eldrew sa torneo na magpuon sa Oktubre 17 sagkod 25.
An duwa malalahok sa men’s individual all-around mantang an saindang mga kaibang Pinoy na sinda Juancho Miguel Besana asin Haylee Garcia igwa nin kanya-kanyang events.
Nagkamit si Yulo nin duwang medalyang bulawan sa floor exercise asin vault sa kakatapos pa sanang Asian Games sa Aichi-Nagoya, Japan.
Sa presente, an Philippine team nag-iistar asin nagpapraktis sa Antibes, France bago an torneo.
Sinabi ni Carlos na an Asian Games parte kan saiyang pagpreparar para sa World Championships, kun sain nauugma siya na haros kumpleto na sinda sa training camps.
Mantang si Karl Eldrew Yulo, kumpiyansang makakakua nin pwesto sa podium mix matapos na makakua nin bronze medal sa Asian Games.
