Matrayumpo an operasyon ni Pope Leo XIV tanganing halion an ibabang parte kan saiyang too na baga, segun sa Vatican.
Ginibo an operasyon sa Agostino Gemelli Hospital sa Rome, Italy, kan nakaaging Martes, Oktubre 13, matapos madiskubre an bukol sa saiyang baga.
Segun sa medical update kan Vatican, natapos an operasyon na mayong komplikasyon. Nagkamalay man an Santo Papa siring kan linalaoman asin ibinalik sa saiyang kwarto tanganing magpahingalo.
Linalaoman na magtener muna sa ospital an 71-anyos na pontiff nin haros sarong semana mantang nagpaparahay hale sa operasyon.
Sa presente, mayo pang ipinapaluwas na dugang na detalye manungod sa sunod na lakdang sa saiyang pagbulong.
Si Pope Leo XIV an napili bilang pamayo kan Simbahang Katolika kan Mayo 2025.
