Pigbatikos kan mga nagkapirang grupo kan kritiko an kaplanuhan kan Israel na ibalyo an mga residente kan Gaza sa pig-aapod na Humanitarian City.
Nagpapahiling soboot ini na pwersahang pigpapahali sa saindang sadiring mga daga an mga Palestinian.
Marurumduman, pigbuyagyag ni Defense Minister Israel Katz an nasambitan ng plano sa pigkundusir na press briefing.
Sa nasambitan ng Humanitarian City, mabilog soboot nin mga building sa closed zone sa southern Gaza sa panahon kan potensya na 60-day ceasefire sa pag-ultanan kan Israel asin Hamas.
Sigun ki Katz, an area an maakomodar nin nasa 600,000 displaced people gikan sa southern Gaza asin igwang apat na aid distribution sites na pigmanehar kan international organizations.
An bilog na populasyon kan Gaza na mapakol sa haros two million an ibabalyo digde.
Alagad an mga kritiko, pigbatikos an plano huli sa kakulangan nin infrastructure sa area na kayang mag-akomodar nin kadakol na tawo.
Mientrastanto, pig-apod man kan UN agency for Palestinian refugees an plano komo concentration camp.
