Nahahampang sa posibleng sexual harassment charges an sarong Japanese fan makalihis hadukan nin mayong pagtugot an oldest member kan sikat na South Korean boy band na BTS na si Kim Seok-jin sa sarong fan event kan nakalihis na taon, sigun sa South Korean authorities kan nakalihis na aldaw nin Biyernes, Pebrero 28.
Sigun sa SoKor police sa Songpa station sa Seoul, pina-summon an nsambitan ng Japanese national para sa questioning kasunod kan naresiber nindang online complaint.
Dae naman na pigbuyagyag kan police station an pagkakabistuhan kan nasambitan ng Japanese national huli sa privacy concerns bagaman basado sa media reports, nakumprimar na kan kapulisan an identity kan babae sa tabang kan Japanese police kun saen nasa edad 50 anyos ini, asin nagsayuma man na mag atubang sa questioning.
Sa ibong pa kaini, naglunsar na nin imbestigasyon an South Korean Police sa nasambita ng reklamo asin dae na muna nagtao nin dugang pa na detalyes mantang nagpapadagos pa an imbestigasyon.
Ikinokonsiderar man kan mga imbestigador na ipaapod si Jin tagngani magtao nin saiyang statement komo biktima sa kaso.
Enot digde, nangyari an insidente kasabay kan pigkundisir na free hug event kan BTS member sa Seoul kan nakalihis man na June 2024 komo selebrasyon sa saiyang pagkakakumpleto sa mandatory military service asin ika-11 taong anibersaryo kan BTS.
Nakuanan sa video footage an nasambitan ng insidente na nag-viral online kun saen mahihiling na dae komportable an South Korean star makalihis na biglaan ining hadukan sa lawgon kan imbweltong fan sa nasambitan ng event na pig atendiran kan nasa 1,000 Army fans.
