Nakatalaan na mag-abot ngonyan na aldaw, Nobyembre 2, an 14 na Filipino Seafarers na nailigtas hale sa drone attacks.
Segun sa Department of Migrant Workers (DMW), an 14 nakasakay sa sarong Liberian flagged container ship matapos sindang atakihon nin drone kan Oktubre 28.
Hale sa Haifa, Israel an saindang barko pasiring sa Constanta, Romania kan mangyari an drone attack.
Nailigtas sinda kan mga otoridad kan Bulgaria asin maabot an mga ini sa Clark International Airport ngonyan na Lunes.
Tinabangan sinda kan Labor Office kan Philippine Embassy sa Budapest kun sain nagduman sa Varna, Bulgaria an saindang staff member na si Sheila May Navasquez tanganing hilingon an kamugtakan kan saindang salud asin magtao nin pinansyal na tabang.
Pig-istorya kan mga nakaligtas na Pinoy seafarers na sa enot na drone strike, tulos sindang pinayuhan kan kapitan kan barko na maglukso, asin umabot pa sa duwang oras bago sinda nailigtas.
