NAGA CITY – Nagpahiling nanaman nin talino an sarong tubong Bicolano makalihis mapabali sa Rank 10 kan 2025 Sanitary Engineers Computer-based Licensure Examination.
Sa entrevista kan Bombo Radyo Naga ki Karl Angelo Abad Mirador, gikan Partido State University asin Rank 5 sa February 2025 Sanitary Engineers Computer-based Licensure Examination, sinaysay kaini na nagin madali an pagluwas kan resulta kan nasambitan ng eksaminasyon nin huli ta makalihis nindang magtake, pagkabanggi nagluwas na tulos an result.
Ini man an enot na pagkakataon na nagtake ini kan exam kun kaya labi man an pagkaogma kan saiyang mga kaparientes asin amigo.
Mientrastanto, dae man kaini piglaoman na makakapasar orog na ta sa ikaduwang aldaw kan sa nasambitan ng eksaminasyon, dae ini sigurado sa mga simbag sa sarong subject.
Apwera pa digdi, nadipisilan man ini sa saiyang study habit sa review center orog na ta nabigla ini sa environment kan siyudad.
Tips na sana kaini sa iba na antes magtake kan exam, magin preparado asin mawoton pirmi na makapasar.
