Nakapagkurit nin bagong world record an Swedish pole vaulter na si Armand Duplantis na igwang winning height na 6.27 meters sa All Star Perche event sa Clermont-Ferrand, France.
Sa silver meeting kan World Athletics Indoor Tour, pinuonan ni Duplantis an saiyang kompetisyon sa 5.65m.
Nalampasan man ni Duplantis sa enot na attempt an 5.91m asin 6.02.Makalihis ma-clear ni Duplantis an 6.07m tanganing ma-secur an pagkagana, pigporbaran man kaining lampasa an dating world record na 6.26m sa Diamond League meeting sa Silesia, Poland.
Napagtrayumpohan ni Duplantis sa enot na attempt an 6.27m.
Makalihis i-clear an 6.07m tanganing masierto an pagkagana, pinalangkaw kaini an bar sa 6.27m asin nasakop an langkaw na ito sa saiyang enot na pagporbar na pinahusay an dati kaining record na naikurit sa Diamond League meeting sa Silesia, Poland kan nakalihis na Agosto nin sarong sentimetro.
Ini man an panduwang beses na napasa ni Duplantis an world record sa Clermont-Ferrand kan maabot kaini an 6.22m sa French city duwang taon na an nakakalihis tanganing ipagselebrar an saiyang ika-anom na world record.
