Isinumite ni Papa Leo XIV an saiyang mail-in ballot para sa maabot na US midterm elections, segun sa Vatican ngunyan na Biyernes.
Sa kasaysayan, siya an ibinibilang na pinakaenot na Santo Papa na nagpartisipar sa eleksyon kan US asin posibleng pinakaenot man na nagpartisipar sa sarong sekular asin demokratikong eleksyon.
Segun sa opisyal na mga rekord, rehistrado an Santo Papa sa saiyang pangaran kan pagkabunyag tanganing magboto sa New Lenox, Chicago kun sain nagboto man siya kan 2024 US presidential elections.
Piglalaoman na kaiba sa balota kan Santo Papa an saiyang mga boto para sa karera sa senado asin gobernador sa Illinois, kaiba an house of representative, state asin county elections.
Maski pamayo nin estado an Santo Papa, nagdadanay pa man giraray siyang US citizen asin tinutugutan pa man giraray na magpartisipar sa eleksyon.
