Pig-inkaminar ni Presidente Ferdinand Marcos Jr., an mga local government units (LGUs) na mamuhunan sa nutrisyon orog na para sa mga bados na ina sa saindang mga nasasakupan.
Kasunod ini kan pag pangenot kan Presidente sa taunang National Nutrition Awarding Ceremony kan National Nutrition Council.
Pigtawan duon ni PBBM an importansya kan okasyon orog na ta may koneksyon ini sa prayoridad kan gobyerno dapit sa health care.
Pigtawan duon pa kan Presidente an pangangaipuhan na magpautob nin mga lakdang o taunang plano para sa nutrisyon an kada LGU.
Hurot pa kan Presidente, importante an human capital nin huli ta ini an susi pasiring sa matrayumpo na human nature.
Sigun sa Presidente, bayaan na an best practices kan LGUs para sa pagbubusol nin tamang nutrisyon kan saindang konstituwentes an magsirbing inspirasyon sa iba asin pangarugan kan mas dakol pa orog na sa hararayong lokalidad tangani maresolbar an problema kan nasyon sa malnutrisyon.
Pagtataong duon pa kan Presidente an bastanteng nutrisyon an bako sana nakukua sa pagkakan nin tama kundi pati man sa paniniguro na igwa nin malinig asin salbado na kapalibutan asin marahay na pamumuhay.
Kaipuhan man soboot pairalon an disiplina sa gabos nin oras, tangani makua an sarong tunay na matuninong, asin maogmang komunidad.
