Nagsuko sa Presidential Anti-Organized Crime Commission (PAOCC) an pitong Indonesian Philippine Offshore Gaming Operator (POGO) workers.
Sinaysay ni PAOCC Executive Director asin Undersecretary Gilbert Cruz, na kaya nagsuko an nakanselar na an saindang work visa asin naubos na man an saindang kwarta puon kan ipasarado kan gobyerno an presyo kan POGO sa nasyon.
Dugang pa kan opisyal na an mga nagsuko an kinabibilogan kan limang lalaki asin duwang babae na sinda nagtatago kan saro-saro nang ipinasarado kan gobyerno an mga POGO.
Palipat-lipat man soboot an saindang mga lugar kun saen sinda nagtatrabaho gikan sa Pasay City, Parañaque, Makati asin magin sa Cavite kun saen imbwelto man an mga ini sa pang i-scam.
Presenteng nasa kostudiya na sinda kan PAOCC asin masairarom sa debriefing antes darahon sa Bureau of Immigration para sa profiling.
Nakipag-koordinar na man an PAOCC sa Embahada kan Indonesia sa Pilipinas para sa pagpapauli sa mga ini.
