Pig-imbitaran ni K-drama superstars IU asin Park Bo-gum an saindang mga Filipino fans na dalanon an saindang bagong Korean romance series na When Life Gives You Tangerines.
Katakod kaini, nagpaluwas nin mensahe an duwa para sa saindang mga Pinoy fans.
An k-drama series na When Life Gives You Tangerines an dapit sa istorya ni Ae-sun, na pinagbibidahan ni IU, sarong babae na mahilig sa libro kan taong 1960s kun saen pano-pano nin adventures an saiyang buhay.
Digde man sinda nagkabistuhan ni Gwan-sik na pigbibidahan ni Park Bo-gum na napuli sa saindang journey sa pagkaminootan.
An tambalan ni IU asi Bo-gum an pig-antisiriparan kan kadakol na mga k-drama fan huli ta parehas an mga ining nagbida naman sa matrayumpo asin kakaibang K-Drama series.
Enot man na nakaguno nin pagbisto si IU para sa saiyang paggampan ki Kim Pil-sook kan taong 2011 para sa K-drama musical series na Dream High.
Mas nagin popular man ini sa saiyang performance komo Go Ha-jin / Hae Soo sa Moon Lovers: Scarlet Heart Ryeo, 2019 dark fantasy romantic series na Hotel del Luna.
Mantang si Bo-gum man an nabisto para sa saiyang role komo Choi Taek sa coming-of-age family drama na Reply 1988. Siringman nagbida man ini sa lead role na Lee Yeong kan 2016 sa Love in the Moonlight.
Apwera digde, kan taong 2020, nagbida an aktor sa Record of Youth kaibahan an K-drama heartthrob na si Byeon Woo-seok.
