Preparado magtao an Pilipinas nin mga incentives sa mga Hollywood film production tanganing makapag-enkaminar na gibuhong hub para sa produksiyon kan pelikula an Pilipinas.
Sa sarong pulong balitaan kaibahan an mga opisyal kan mga ahensiya kan Depaartment of Tourism (DOT) asin Department of Trade and Industry (DTI), pinangenotan ni First Lady Araneta-Marcos an inisyatibo sa mga darakulang kumpanya sa Hollywood na mag-produce nin pelikula sa Pilipinas tanganing makapag-kriar nin trabaho sa nasyon.
Kaibahan sa mga incentives na ipinahiling kan mga opisyal an mga benipisyo sa buwis asin financial support tanganing enkaminaron an mga ini na pillion an Pilipinas komo lokasyon kan saindang proyekto.
Ipigheras pa kan First Lady sa sarong Instagram post kaini an labing kaogmahan na makaibahan sinda Tourism Secretary Christina Frasco asin Trade Secretary Cristina Roque tanganing talakayon an mga darakulang filmmaker sa West Hollywood na pigkokonsiderar kan First Lady komo sarong nakaka ‘inspired’ na inisyatiba.
Pinuri man ni Liza Araneta-Marcos an duwang opisyal, asin pigtawan-duon an saindang sulamenteng pamamayo.
