Pigsierto kan Palasyo ng Malakanyang na nakapreparar sinda na magtabang enkaso hagadon kan Interpol an tabang katakod sa soboot warrant of arrest na iniuwas kan International Criminal Court kontra ki dating Presidente Rodrigo Duterte.
Sinabi ni Palace Press Officer USec Atty Claire Castro dae maduwa-duwa an gobyerno na ipautob an warrant of arrest na inisyu kan international criminal court laban ki dating Presidente Rodrigo Duterte basta nag agi ini sa tamang proseso asin naaayon man sa ley.
Sinabi ni Castro na andam man an mga law enforecement agency na tupadon an saindang mandato dapit digde basta pighagad kan international police o interpol an tabang man gobyerno asin mayo ining nababalgar na ley.
Sa ibong na banda, siniguro man ni Castro na pupugilan kan gobyerno an ano man na posibleng kariribokan na magkawsa kan pagsunad nin warrant of arrest ki dating Presidente Duterte.
Pangapudan man ni Castro sa mga supporters kan dating Presidente na dae na mag matagas asin makiaram pa sa proseso enkaso madagos an pagpapa arestar kan ICC ki Duterte asin man pabayaan na mag padagos an ley asin rule of law.
Sa lado man kan dating Presidente, naenot nang sinabi kaini na andam ining atubangon enkaso ipaarestar na ini kan ICC.
