Nagtatao nin suporta sa mga Paraoman an lokal na pamahalaan sa Canaman komo tabang asin papepreparar sa tahaw kan El Niño.
Sa intrevista kan Bombo Radyo Naga Ki Mayor Nelson Legazpi, sinabi kaini natural na penomenon an El Niño na dae kayang kontrolin kan tawo.
Segun ki Legaspi dae pa man gayung nanonotaran an epekto kaini sa mga pananom, alagad nagmamantinir na problema an sapat na suplay nin tubig para sa mga paraoma huli limitado an serbisyo kan irigasyon.
Dae man gabos nin pinagkukuanan nin tubig sa Canaman ay posibleng gamiton sa omahan hili maalat an nagkapira sa mga ini.Tinatayang lampas sangribong paraoma an posibleng maapektaran nin tagtuyot, lalo na an mga mayung regular na access sa irigasyon.
Padagos namang nagtatao nin tabang an lokal na gobyerno, Department of Agriculture, asin pamahalaang panlalawigan, kabali an mga binhi, materyales sa pagtatanom, ayuda, asin pautang na may hababang interes.
