Aram baya nindo mga ka-bombo, sarong Norwegian robotics company na igwang pangaran na 1X an kasuarin sana pigpabsito an NEO Gamma, sarong AI-powered bipedal humanoid robot na kayang gampanan an manlaen-laen na gibuhon sa harong siring kan pagbitbit kan mga lalabahang bado, paglinig nin bintana asin an vacuum.
Sa mga nakalihis na bulan, kadakol nang nahiling na importanteng pagbabago kun an pinag-uulayan sa lado man kan robotics sa kinaban kabali na digde an STAR1, an pigmirar komo world’s fastest bipedal robot, o an SE01, saro man na bipedal robot na bistado para sa saiyang marhay na paglakaw.
Alagad sa ibong kan mga inobasyon na ini nasasakitan pa man giraray na makapag-develop nin robot na kayang gibuhon an mga ara-aldaw na piggigibo kan tawo.
Ini an rason kun tano pigkriar kan Norwegian Robotics company an saindang advanced na creation sa paagi kan NEO Gamma.
An humanoid butler robot na ini an kayang magserbe nin tea sa mga tawo asin gibuhon an mga trabaho sa laog kan sarong harong.
Katakod digde, tangani man na mas magin tawo hilingon an itsura kaini, nakipagkolaborar sinda sa sarong Japanese manufacturer kan mga knitting machines, tanganing makapagkriar nin gubing tanganing maitago an metallic na lawas kan nasambitan ng robot.
