NAGA CITY- Ikukundusir kan Faculty asin mga Agriculture Students kan CBSUA-Pili an CANR Festival.
Sa entrevista kan Bombo Radyo Naga ki Emma G. Jarcia, PHD Program Chairperson, BSA, CANR, CBSUA-Pili, sinaysay kaini na isasagibo soboot an nasambitan ng aktibidad sa Abril 2, 3 asin 4 sa CBSUA Agrivel LearningHub.
Sigun ki Jarcia, sa nasambitan ng event ipapahiling an pigtatangro kan mga Agriculture Students, igwa soboot digde na mababakal na gikan man sa mga estudyante, mga alumni advertiser na saindang katuwang sa programang ini.
Apwera digde, igwa man ikukundusir na costume parade kan mga major subjects, igwa man pig-imbitaran na Guest Speaker asin an awarding kan mga alumni na matrayumpo naman sa presente.
Dugang pa kan opisyal, sa ikaduwang aldaw kan aktibidad magkakaigwa nin skills presentation asin pag-promoter kan Agrikultura sa mga makikisumaro digde.
Pigtawan duon pa ni Jarcia na obheto kan saindang aktibidad na mas orog pang maipahiling sa publiko orog na sa mga estudyante na marhay an pagpapa-uswag kan agrikultura sa nasyon sa paagi kan pag-aadal digde asin pagkriar nin mga inobasyon para sa orog pang pagtalubo.
Sa ngunyan, pig-enkaminar na sana kaini an gabos na mag-atender sa nasambitan ng CANR Festival huli ta magigin maogma soboot ini.
