Nag-emergency landing sa Denver International Airport sa Colorado, USA an sarong American airlines jet makalihis ining mag kalayo. Mahihiling sa mga naglakop na video an mahibog na asu na nag abot gikan sa eroplano, kaya man tulos an mga emergency services.
An flight, na gikan sa Colorado Springs pasiring Dallas-Fort Worth, an pigbalyo sa Denver huli sa problema sa makina.
Pagabot sa palupadan, haros nagliyab an eroplano na nag dara nin mahibog na asu, maswerteng salbado man na nailuwas an mga pasahero kan nasambitan ng eroplano.
Susog sa American Airlines lunad kan eroplano an nasa 172 pasahero asin 6 na crew members na pigbalyo na sa terminal.
Sa ngunyan, mayo pang pahayag an U.S. Federal Aviation Administration (FAA) o American Airlines mapadapit sa insidente, asin mayo pa man nin kasimbagan an Denver International Airport manungod digde.
