Matrayumpong inilunsar kan Philippine Navy sa Ulsan, South Korea kan Oktubre 13, 2026, an ikatolo kaining Offshore Patrol Vessel na BRP Rajah Humabon.
An bagong barkong panggera binilog kan bantog na South Korean shipbuilder komo parte kan modernization program kan Sandatahang Lakas kan Pilipinas.
Linaoman na mapakusog an BRP Rajah Humabon sa kakayahan kan nasyon pag-abot sa maritime surveillance, seguridad nasyonal, asin pagmantener kan depensang teritoryal.
Pinangenotan ni AFP Vice Chief of Staff Lieutenant General Rommel P. Roldan asin Philippine Navy Flag Officer in Command Vice Admiral Jose Ma. Ambrosio Q. Ezpeleta an opisyal na delegasyon sa nasabing seremonya.
Bago an paglunsar, nakipagpulong man si Ezpeleta sa nasyonal na pamayo kan Republic of Korea Navy tanganing mas mapakusog pa an kooperasyon pandagat kan duwang nasyon.
