Gadan an nasa 13 katao makalihis an nangyaring plane crash sa Honduras huli sa pagbagsak kaini sa dagat mantang pa-take off an sadit na eroplano gikan sa sarong resort island.
Kan nakalihis na aldaw nin Martes, Marso 18 local time, narekober na an bangkay kan huring nawawarang biktima.
Enot digde, naghali an Lanhsa Airlines plane lunad man an 18 katao banggi kan Lunes gikan sa Roatan, saro sa primerong tourist destination sa Honduras, pasiring mainland.
Alagad nawaran nin power an makina kan eroplano na nagresulta sa pag-crash kaini sa dagat sarong kilometro gikan sa pampang.
Lunad kan nagbagsak na British-made aircraft an 15 pasahero, 2 piloto asin man sarong flight attendant kun saen gabos na binawian nin buhay sa trahediya ay mga Hondurans.
Mientrastanto, sigun ki Transport Minister Octavio Pineda, saro sa saindang pighihiling na kawsa kan insidente iyo an mechanical failure. Sa ngunyan, nagtitinir na suspendido an mga operasyon sa Roatan International Airport alinsunod sa emergency protocol
