Nagtutubod an sarong accredited lawyer kan ICC na malabong ipag-sugo kan Korte Suprema na ibalik nin Pilipinas si dating Presidente Rodrigo Roa Duterte na ngunyan ay nasa kustodiya na kan International Criminal Court.
Ginibo ni Atty. Joel Butuyan an pahayag kasunod kan padagos na pangapudan kan mga taga suporta kan dating Presidente na ibalik ini sa nasyon.
Sa ngunyan kaya ay nakabinbin pa man giraray sa Korte Suprema an consolidated habeas corpus petition na pigsunad kan nag tugang na Duterte kansuarin sana na kumikwestyon sa legalidad kan pag-arestar ki Duterte asin sapiritang pagpapadara kaini sa The Hague , Netherlands.
Sigun sa abogado, mayong kakayahan an SC na magpaluwas nin kasuguan na dae parte kan kaso.
Hurot pa kaini na mayong hurisdiksyon an Korte Suprema sa International Criminal Court orog na sa urulay kan pagpapapuli sa dating Presidente gikan sa hurisdiksyon kan international organization.
