Pig-enkaminar ni Manila Archbishop Cardinal Jose Advincula an simbahang katolika na ipangadyi an Pilipinas ngunyan na nahahampang ini sa krisis, tunggalian asin kariribokan.
An pahayag ni Advincula, an sa tahaw kan pigladawan kaining “intensive events asin discourse” kasunod kan pagkaka-arestar ki dating Presidente Rodrigo Duterte.
Sigun sa Cardinal, an pangadyi iyo an primerong madara nin katoninongan, hustisya asin pagkasararo. Komo parte kan saiyang apelar, nagluwas si Advincula nin oratio imperata, o obligatory prayer para sa nasyon.
Pighagad kaini sa gabos na mga parokyano sa archdiocese na gamiton an pangadyi ara-aladaw makalihis an post-Communion prayer sa gabos na misa puon sa ika-tolong semana kan Kuwaresma.
Advertisement
Advertisement
