Nagpadara nin dugang pang 3,000 na soldados an North Korea sa Russia kan nakalihis na Enero asin Pebrero basado sa panibagong assessment report gikan sa South Korea military.
Ini an sa tahaw kan padagos na pagtatao nin suporta kan North Korea ki Russian President Vladimir Putin sa laban kaini sa Ukraine.
Apwera digde, pigkumpirmar kan Joint Chiefs of Staff ka SoKor na nagpadara an NoKor nin dugang na missiles, artillery equipments asin ammunition tanganing matabangan an Russia asin tanganing mapalangkaw pa kan NoKor an mga suplay na armas kaini para sa saindang pagdepensa sa saindang nasyon.
Kaiabahan sa mga military equipments na ipinadara kan NoKor sa Russia iyo an dakulang numero kan short-range ballistic missiles, 170 millimeter self-propelled howitzer asin 220 units kan 240 millimeter multiple rocket launcher.
Ginibo man an lakdang na ini kan NoKor sa tahaw kan akusasyon sa pag-ultanan kan Russia asin Ukraine kan pagbalgar sa kasuarin sanang ceasefire.
Iniluwas an nasambitan ng report kan South Korea military makalihis na magpahayag kan dae natitinag na suporta si North Korean leader Kim Jong Un sa giyera Russia kontra sa Ukraine.
