Piglaoman na ni House Murang Pagkain Supercommittee Overall Chairman asin Albay 2nd District Representative Joey Salceda an pagbaba sa 1.8 percent nin inflation rate kan nakalihis na bulan nin Marso nin huli ta dae na mamati an price pressures sa bagas asin man iba pang pangenot na barakalon.
Siringpaman, pighurot ni Salceda na kaipuhang padagos na bantayan an presyo kan karne na naglangkaw sa 8.2 percent mantang nagmahal man an presyo kan sira.
Dugang pa ni Salceda, an naglalangkaw na presyo kan karne an makaka-apektar sa nutrisyon kan pagkakan ng kada pamilya.
Nangapudan man si Salceda na ipapadagos an paghahanap nin solusyon sa presyo kan gulay, karne asin sira na kaipuhan tangani mamantinir an healthy asin igwa nin kapasidad an mga obrero.
Pigsaysay pa ni Salceda, ini an tangani malampasan ninda an mga huma na dara kan pabago bagong kamugtakan kan pangkinaban na ekonomiya siring na sana kan pagpapataw ni US President Donald Trump nin taripa sa mga produktong iniluluwas kan Pilipinas.
