Target kan administrasyong Marcos na magkaigwa nin 1,500 Kadiwa stores sa bilog na nasyon sa taong 2028.
Kaya man an promisa kan gobyerno ay pagtibayon pa an food accessibility and affordability, kasabay kan pagpapahewas sa Kadiwa ng Pangulo Program.
Pigtawan duon ni Presidential Communications Office (PCO) Undersecretary asin Palace Press Officer Claire Castro sa press briefing sa Malakanyang an importansya kan kansuarin sana na kasunduan sa pag ultanan kan Department of Agriculture (DA) asin Philippine Postal Corporation (PHLPost), na nagpalangkaw sa presensiya kan Kadiwa stores sa manlaen-laeng panig kan nasyon.
Sa irararom kan nasambitan ng kasunduan, ma-asegurar kan DA an availability kan salbado asin de kalidad na agricultural products mantang an PHLPost man an magkapagtao nin ‘operational spaces’ asin pasilidad sa post office branches kaini sa bilog na nasyon.
Mawot sabihon, gikan sa anom na post office na dati nang nag-host kan Kadiwa pop-up stores, pahehewason na ini sa 67 post office sa Metro Manila asin iba pang parte kan Luzon, Visayas asin Mindanao.
Sigun ki Castro, an sanib-puwersa kan DA asin PHLPost an mapakikinabangan bako sana kan mga consumers kundi magin kan mga obrero kan PHLPost asin lokal na komunidad.
