Patrick Adiarte, nagtalikod na sa kinaban sa edad na 82-anyos

Binawian na nin buhay an Filipino-American actor Patrick Adiarte sa edad na 82-anyos.

Sigun sa pamangkin kaining si Stephanie Hogan, binawian nin buhay an aktor sa sarong ospital sa Los Angeles.

Nagpuon an career kan aktor sa pagganap kaini komo si Prince Chulalongkorn sa play na “The King and I”.

Nagin regular dancer ini sa Hullabaloo sarong American variety show puon 1965 hasta Abril 1966.

Nagluwas man ini sa Broadway na Flower Drum Song asin TV series na MASH.

Nagpaabot man nin pakikidumamay asin kamunduan an mga nakaibahan kan aktor sa manlaen-laen na show.