148 katawo gadan sa nasulong bangka sa Congo

Dae mababa sa 148 katawo an nagadan asin kadakol pa an nawawara makalihis na masulo asin magtaob an sarong motorized na kahoy na bangka na HB Kongolo, sa Congo harani sa Mbandaka.

Lunad kan nasambitan ng bangka an poco mas o menos 500 pasahero gikan sa Matankumu pasiring sa Bolomba.

Sigun sa report, nagpuon an kasulo mantang igwang nagluluto sa laog kan bangka.

Kadakol an nalamos makalihis na magtagbang sa salog maski dae tatao maglangoy.

Nasa poco mas o menos 100 man na nakasalbar asin pira an pigbulong huli sa paso.

Kadalasan soboot an siring na insidente sa Congo huli sa sobrang lunad asin luma na an mga bangka