Pigsierto ni Philippine National Police (PNP) Chief PGen. Rommel Francisco Marbil na piglalaoman na an pagkakaarestar sa mga natatadang indibidwal na iyong nasa likod kan pagkidnap asin paggadan sa filipino-chinese businessman na si Anson Que asin driver kaini na si Armanie Padillo.
Sa sarong pahayag, inapod ni Marbil na case solved asin justice is served an kaso ni Que makalihis na maisapubliko na an tolong suspek sa insidente.
Nahihiling soboot ngunyan kan PNP na an mga personalidad an bako sana sarong simpleng kidnap for ransom syndicate asin pawang mga nagsasagibo nin mga contract-based na mga operasyon kun saen target kaini an mga indibidwal na igwang mga dae pa bayad na utang asin iba pang klase kan internal conflicts.
Mientrastanto, dugang pa ni Marbil, anom na mga darakulang kaso na kan kidnapping an naresolbar na kun saen pakay na sana ninda an mahanap an mga financers sa likod kan mga operasyon na ini.
Pigsierto man ni Marbil sa publiko na nagtitinir na pursigido an saindang kabuhan para sa saindang mission na madakop na an pinaka-mastermind sa mga nasambitan ng paggadan.
Malinaw man soboot an saindang mensahe na ipapautob ninda kun ano an nakasaysay sa ley asin sisiertuhong mapapasimbag an mga igwang sala.
