Pig-anunsyar kan Philippine National Police (PNP) na generally peaceful asin mayong naikurit na major incidents na nangyari sa bilog na obserbasyon kan Holy Week kan nakalihis na semana.
Ini an sigun sa nagin mga pahayag ni PNP Chief PGen. Rommel Francisco Marbil kun saen pigkomenda kaini an mga kapulisan na iyong nagduty asin nagbantay sa mga terminal, pantalan, mga simbahan asin magin sa mga lansangan kan Metro Manila sa bilog na huring semana kan Kwaresma.
An pagigin vigilante soboot asin an nagin pagpapakusog kan presensiya kan mga pulis sa mga primerong areas sa nakalihis na semana iyo an nagin susi kun tano nagin matoninong an nagin obserbasyon kan Holy Week.
Marurumduman man na nagtalaga an PNP nin kabilogang numero nin 65,000 na mga pulis na iyong pigpakuriyat sa manlaen-laen na lugar na iyong piglaomang dadagsaon kan publiko orog na sa mga simbahan.
Mientrastanto, an deployment na ini an piglalaomang aabuton hasta sa matapos an Summer Vacation 2025 tanganing masierto an seguridad asin kasalbaduhan kan publiko.
