Nagtutubod si Senate President Sherwin Gatchalian na magkakaigwa nin halawig na katoninongan asin haloy nang pinapangarap na pag-uswag kan ekonomiya an Bangsamoro Autonomous Region in Muslim Mindanao o BARMM.
An pahayag ni Gatchalian iyo an kasunod kan inaugural session kan mga miyembro kan Bangsamoro Parliament, kun sain naelehir si Abdulraof Macacua bilang chief minister.
Binati kan Senate President an bagong liderato kan BARMM asin nagpahayag nin kumpiyansa na maipapangatubang kaini an marhay na pagpapamahala asin mga programa na makakapagpakarhay kan kabuhayan asin kapakanan kan mga residente.
Hinikayat man niya an mga grupong pampolitika, civil society organizations asin mga lokal na gobyerno na suportaran an bagong administrasyon kan BARMM tanganing masiguro an katatagan asin pag-uswag na makikinabang an gabos.
Tinawan-duon ni Gatchalian na haloy nang pinapangarap an halawig na katoninongan asin kaunlaran sa BARMM asin sa bilog na Mindanao.
