Pig-enkaminar ni Palestinian president Mahmud Abbas an Hamas na palibrehon na an gabos na kapot kaining hostages tanganing mawaran na nin rason an Israel na padagos na maglunsar nin pag-atake sa Gaza.
Marurumduman, nagpakol na sa poco mas o menos 25 katawo an binawian nin buhay sa nasambitan ng lugar kasabay kan piglunsar na bagong pag-atake kan Israel.
Katakod kaini, an Germany, France asin Britain pig-enkaminar an Israel na untukan na an saindang pag-ulang sa paglaog kan mga humanitarian aid.
Marurumduman, liwat na ipinadagos kan Israel an saindang pag-atake sa Gaza kan March 18, na rason sa pagtatapos kan ceasefire.
An pag-urulay man para sa panibagong untuk-putukan an mayo pang marhay na resulta maski pa an delegasyon kan Hamas an yaon sa Cairo para sa bagong negosasyon kaibahan an Egyptian asin Qatari mediators.
Mientrastanto, an armed wing man kan Hamas na si Ezzedine Al-Qassam Brigades an nagpaluwas nin footage kun saen nagpapahiling sa sarong Israeli hostage na buhay asin yaon sa Gaza tunnel. Binisto ini na si Omri Miran, 48-anyos.
