Pigkumpirmar kan Russian authorities na nagadan an sarong senior Russian general sa nangyaring car bombing sa Moscow.
Binisto ini na si General Yaroslav Moskalik, an pinakabagong Russian military commander o pro-Kremlin figure na pinagtutubodang pigtarget kan Ukrainians na nasa laog kan Russia.
Sigun ki Russian Investigations Committee spokeswoman Svetlana Petrenko, nagsabog an sarong Volkswagen Golf makalihis magtama an sarong improvised explosive device na igwa nin laog na pellets.
Nangyari man an pag-atake mantang pasiring an special envoy ni US President Donald Trump na si Steve Witkoff sa central Moscow na nakatalaang makipag-ulay ki Russian President Vladimir Putin para sa peace talks sa Ukraine.
Naenot ng sinaysay ni Russian Foreign Minister Sergey Lavrov na nakapreparar an Russia na magkaigwa nin kasunduan sa Estado Unidos tanganing mawaksan na an giyera sa Ukraine daw igwa soboot nin pirang mga elemento na kaipohamg plantsahon.
Sa parte kan Ukraine, pigpahiwatig ni Kyiv mayor Vitali Klitschko na posibleng kaipohang itao kan saindang nasyon an sarong teritoryo komo parte kan peace deal.
