Hinali na sa pwesto an principal kan Colonel Ruperto Abellon National High School sa munisipalidad kan Laua-an sa Antique na si Venus Divina Nietes.
An nasambitan ng principal an nag-viral sa social media makalihis ipahubad sa mismong seremonya an toga na sulot kan mga graduating na senior high school students.
Sigun ki Palace Press Officer Claire Castro na an pagsibak sa prinsipal an tulos na naging aksyon ni Education Sec. Sonny Angara makalihis an insidente katakod sa kasugoan ni Presidente Marcos.
Sinaysay ni Castro, dawa pwede pang magtukdo an nasambitan ng paratukdo sa ibang eskwelahan, masairarom ini sa behavior evaluation.
Sa nag-viral na video, madadalan an pag-anunsyar kan principal sa stage na dae dapat magsulot nin toga an mga magsisipagtapos basado sa DepEd guidelines na gibuhong simple an seremonya.
Pigsugo kaini sa graduating students na dae mag-toga pag-sakat sa entablado, na inalmahan kan pirang estudyante asin saindang mga magurang.
Nagsunod man an pirang estudyante, alagad, nadangod an pagkurahaw kan mga tutol sa kasugoan kan principal.
