NAGA CITY- Ikukundusir ngunyan na semana kan mga Faculty asin mga estudyante kan College of Economics and Management kan CBSUA-Pili an inapod ninda na “Namit Kaayon.
Ini sarong Resto Coffee Bar na igwang manlaen-laen na Bicolanong masisiram na pagkakan asin inumon na saindang itatangro.
Tampok man pagka-banggi an mga performances kan mga estudyante asin faculty staff sa saindang isasagibong exhibit.
Sa entrevista kan Bombo Radyo Naga ki Enrique F. Villamor, Program Chairperson kan Department of Tourism Management kan CBSUA-Pili, sinaysay kaini na saro ining programa tanganing maibwelto an mga estudyante katakod kan kinua nindang kurso.
Dugang pa ni Villamor, manunutaran man sa lugar an mga tampok na dragon fruit farm, grapes vineyard, asin manlaen-laen pa na mga tanom kun sain pwedeng mabisita asin makapahingalo sa lugar nin huli ta igwa man digde nin apat na room cabins na igwang marhay na bentilisasyon huli ta maduros an lugar na dakulang tabang ngunyan na tag-init.
An nasambitan ng aktibidad bukas poon alas 8 nin aga hasta banggi asin makukua harani man sa Naga Airport.
Sa ngunyan, pig-enkaminar na sana kan opisyal an gabos na makisumaro sa saindang aktibidad tanganing orog pang masuportaran an mga programa para sa mga estudyante.
