North Korea, pigkumpirmar na nagpadara nin mga suldados tanganing tabangan an Russia sa paglaban sa Ukraine

Pigkumpirmar na ngunyan kan North Korea na nagpadara sinda nin mga suldados tanganing tabangan an Russia sa paglaban sa Ukraine.

An nasambitan ng kasugopan an gikan mismo ki North Korean lider Kim Jong Un.

Enot ng pig-omaw ni Russian Chief of Staff Valery Gerasimov an kabayanihan kan mga suldados kan North Korea.

Marurumdoman, pigbuyagyag kan Ukraine na igwa nin suldados kan North Korea na kinua kan Russia na dae ini mababa sa 11,000 na mga suldados.