Nagpa putok An North Korea nin saro pang serye nin mga ballistic missile sa dagat sa baybayon kan Korean Peninsula kan Lunes.
An Joint Chiefs of Staff kan South Korea nagsabi na an mga missile piglansar hale sa sarong lugar harani sa Pyongyang mga alas 9:20 nin aga, mantang an Japanese Coast Guard nagsabi na an duwang projectile nahulog sa luwas kan saindang kanya-kanyang teritoryo.
An tensyon sa rehiyon nagin halangkaw sa mga nakaaging semana kasunod kan pagsabog nin landmine sa linderos na nakalugad nin tolong suldados kan South Korea asin serye nin mga ehersisyo militar kan mag-ibong na lado.
Bago an pinakahuring paglansar kan Pyongyang, an Presidente kan South Korea na si Lee Jae Myung kan nakaaging semana nangenot sa sarong pampublikong pag-ensayo sa pagpaputok gamit an pinakaenot na hypersonic missile kan saiyang nasyon.
Ini an ikasampulong beses na ginamit kan North Korea an mga missile kaini ngonian na taon poon kan huring maglansar ini nin intermediate-range strategic missile kan Oktubre 3, 2026.
