Nakapuli na nin Pilipinas an 14 na Filipino seafarers na lunad kan MV Century Royal na ni-raid kan mga pirata sa Port-au-Prince Anchorage, Haiti.
Sinda an kabali sa 18 tripulanteng Pinoy na lunad kan nasambitang barko kun saen igwa nin duwa pang Pilipino an nawawara.
Sigun sa Overseas Workers Welfare Administration (OWWA) asin man sa Department of Migrant Workers (DMW), apwera sa tulong-pinansyal, tinawan duon kan physical asin psychological support an mga nagpuli na Pinoy seafarer.
Pigsierto man kan DMW na nagpapadagos an negosasyon para sa paglaya kan mga natatada pang hostages na Pinoy crew.
Advertisement
Advertisement
