Pig-anunsyar ni U.S. President Donald Trump na pupunduhon na kan Estados Unidos an mga pag-bomba kontra sa militanteng grupo na Houthi na nasa Yemen, makalihis man an 51 aldaw na bakbakan, simbag sa serye nin pag-atake kan mga rebeldeng grupo sa mga barko na nasa Red Sea.
Sigun ki Trump, dae na soboot malaban an rebeldeng grupo kun saen igagalang kan U.S. an saindang pahayag asin man pupunduhon na an nasmabitan ng pambobomba.
Siringman, mayo pang malinaw na detalye an iniluwas kan U.S. Defense Department katakod man kan biglaang pagbabago kan saindang strategy.
Sigun sa mga opisyal, labi sa 1,000 target na an tinamaan sa operasyon, kabali na an mga kampo, bodega nin armas, asin man mga missiles kan militanteng grupo.
Umalma man an Houthi sa sinaysay ni Trump asin man sinabing dae ninda iuuntok an pag-atake, orog na sa Israel, hasta sa dae soboot natatapos an “agresibong ginigibo sa Gaza.”
Mayo man nin opisyal na reaksyon an gobyerno kan Israel dapit sa sinaysay kan Houthi rebel.
Mientrastanto, dae man nilinaw ni Trump kun sakop kan kasunduan an padagos na ribayan nin putok sa pag ulatanan kan Houthis asin Israel, na kansuarin sana kan pag bomba sa palupadan kan Israel.
Marurumduman na an mga pag-atake na ginibo kaidto kan Houthi an nagpuon kan nakalihis na taong 2023 komo suporta sa Hamas sa Gaza.
Marurumdumang pigpuonan kan administrasyon ni Biden an pambobomba sa Houthis kan nakalhis na Enero 2024, alagad binatikos ini ni Trump komo “maluyang pag-atake.”
Padagos pa man an mga patanid kan Estados Unidos sa Iran katakod kan suportang pigtatao kaini sa Houthi, alagad pighurot kan State Department na suhay ini sa paramientras na presenteng kasunduan gikan man sa Houthi.
