Pinanindugan kan Malakanyang na legal an pagkaka-arestar ki dating Presidente Rodrigo Duterte.
Kaya sinaysay ni Presidential Communications Office Undersecretary asin man Palace Press Officer Claire Castro sa press briefing sa Malakanyang, aldaw nin Biyernes, May 9, 2025 na mayong basehan an mga pagbatikos laban sa nagin papel kan gobyerno sa nasambitan ng urulay. usapin.
Pigtuyaw kaya si Castro sa press briefing sa Malakanyang manungod sa intensyon ni dating National Youth Commission chairperson Ronald Cardema asin agom kaining si Marie Cardema, na nagsunad nin impeachment complaint kontra ki Presidente Marcos na may kinaraman sa pag-arestas asin pagkakaditine ki dating Presidente Duterte.
Mantang karapatan kan mga ini soboot na magsunad nin impeachment complaint, sinaysay ni Castro na pigbibisto sana kan gobyerno an commitment kaini sa Interpol na isunad an warrant na ipinaluwas kan International Criminal Court (ICC) sa The Hague, Netherlands.
Naenot igde, nagsunad nin impeachment complaint kontra ki Presidente Ferdinand Marcos Jr. si dating National Youth Commission (NYC) chairperson Ronald Cardema sa Kamara.
An reklamo an katakod sa pagtugot soboot kan Presidente na madara si dating Presidente Duterte sa The Hague, Netherlands tangani atubangon an crimes against humanity sa International Criminal Court (ICC).
Ipinost ni Cardema an pagaunad nin reklamo sa social media, kun saen sinaysay kaini na an Duterte Youth Partylist an masirbing endorser.
Ini an enot na impeachment complaint kontra ki Presidente Marcos.
Mientrastanto sa ngunyan mayo pa man pahayag an liderato kan Kamara katakod sa nasambitang impeachment complaint.
