Liwat na mabweltada sa Pilipinas an South Korean actor na si Byeon Woo-seok para sa saiyang ikukundusir na fan meet sa Araneta Coliseum sa Cubao, Quezon City.
Si Woo-seok an nabisto sa saiyang lead role kan 2024 sa romance drama na Lovely Runner.
An nasambitan ng event na igwang titulo komo Daydreamin an pig-anunsyar sa saiyang social media post.
Mientrastanto, nabisto man an 33-anyos na aktor sa Korean series siring kan Record of Youth asin Strong Girl Nam-soon.
Advertisement
Enot na nagbisita si Woo-seok sa Manila kan June 2024 para sa saiyang fan meeting asin mas orog na nabisto sa Lovely Runner kun saen piggampanan kaini an role na swimmer-turned-singer asin actor na pighangaan kan karakter ni Kim Hye-yoon.
Advertisement
