NAGA CITY- Nagpagirumdom an Philippine National Police (PNP)-Bicol sa mga mapuruli sa Rehiyong Bicol ngunyan na eleksyon.
Sigun sa PNP, mantang nagdadangadang na an eleksyon sa Lunes, laoman pa man an pagdagsa kan mga behikulo asin magabat na bulos kan trapiko sa dakul na mga mapuruli tanganing makaboto.
Katakod kaini, nagpagirumdom pa an otoridad na sunudon an saindang mga pagirumdom, an batas trapiko asin mga panundon kan COMELEC tanganing makalikay sa anuman na katibaadan asin magin salbado an saindang byahe.
Enkaso man soboot magkaigwa nin emerhensya, tulos na magpasiring sa pinakaharaning istasyon kan pulis, Motorist o Police Assistance Centers, o mag-apod sa saindang mga hotline numbers.
Advertisement
Advertisement
