Naglangkaw sa labing 40 milyon an bilang kan mga nagbisita sa mga sementeryo, memorial park, asin columbaria sa bilog na nasyon ngayong Undas 2026.
Base sa datos kan Philippine National Police (PNP), naglangkaw sa labing 40 milyon an bilang kan mga nagbisita sa 5,311 sementeryo sa nasyon poon Oktubre 30 sagkod kaninang aga kan November 2.
Kaiba kan pagdagsa kan mga pamilyang nagbisita sa saindang mga nagadan nang mahal sa buhay, nagdanay an mga pulis sa mga sementeryo asin iba pang matatawong lugar tanganing magtabang sa mga bisita asin mapagdanay an kaayusan.
Mantang, nasa 6,499 na an mga ipinagbabawal na gamit na nakumpiska kan mga pulis sa bilog na nasyon.
Kaiba digdi an matutulis o matatalom na armas, mga inumong nakakalasing, lighters, produktong sigarilyo asin vape, kagamitan sa pagluto, asin mga nasusunog na materyales.
Segun ki PNP Chief Police General Jose Melencio C. Nartatez Jr., apwera sa pagbantay sa seguridad, nakapreparar man an mga pulis na umalalay sa mga pamilyang nagbisita sa mga sementeryo ngayong Undas 2026.
