Sarong 42-anyos na lalaki an inaresto, na pigdududahan na may koneksyon sa pagbadil sa sarong radio news anchor sa Roxas City, Capiz.
An suspek, na bisto sana sa alyas na “Doming,” kabali sa listahan kan Most Wanted Person sa Tapaz, Capiz.
Segun sa Philippine National Police (PNP), naaresto an suspek bandang alas-3:05 nin hapon kan Oktubre 30 sa Barangay Poblacion, Tapaz, sa sarong intelligence-driven operation na isinagibo kan mga pulis.
Base sa police records, pigkokonektar an suspek sa pagbadil sa sarong radio news anchor kan Hunyo 22, 2026, sa Crossing kan Costa Verde, Barangay Cagay, Roxas City.
Sa pahayag ni PNP Chief Police General Jose Melencio C. Nartatez Jr., saiyang idinugang an importansya kan pagpursige sa mga kasong may kinaaraman sa karahasan laban sa mga mamamahayag.
Segun ki Nartatez, importante an seguridad kan mga media practitioner huli sa saindang papel sa pagtao nin impormasyon sa publiko.
Nasa kustodiya na ngunyan kan Tapaz Municipal Police Station an suspek mantang isinasagibo an mga kinakaipuhanan na dokumentasyon asin legal na proseso.
