Pigreport kan Philippine National Police na mayo sindang namomonitor na seryosong huma duwang aldaw antes an 2025 national and local midterm elections.
Sa sarong pahayag, sinaysay ni PNP spokesperson Police Brigadier General Jean Fajardo an kabilogang election period an maikokonsiderar kan Pambansang Pulisya na generally peaceful.
Sigun ki Fajardo, alagad maski igwang mga naikurit sindang mga insidente alagad dae ini nagdara nin kariribokan sa pangkabilogan.
Sa ibong kaini, padagos soboot an pagbabantay kan PNP asin pagsasagibo nin intelligence gathering tanganing masierto an kasalbaduhan kan publiko.
Katakod kaini, nagtitinir pa man sa 40 an kabilogang validated election-related incidentes sa bilog na nasyon.
Puon sa nasambitan ng numero kan validated election-related incidents, mapakol sa 26 an pigkonsiderar na “violent” mantang nasa 14 man an “non-violent.”
Basado sa datos kan PNP, kadaklan sa mga naikurit na validated violent election-related incidents an gikan sa Bangsamoro Autonomous Region in Muslim Mindanao na igwang walo.
Pigsunodan man ini kan Cordillera Administrative Region na igwang 7.
Tolo man an naikurit na validates violent election-related incidents sa Zamboanga Peninsula mantang duwa man sa Cagayan Valley.
Pigsierto kan PNP na padagos an saindang gigibuhong pagbabantay ngunyan na eleksiyon tanganing masierto an kasalbaduhan kan publiko.
