Pigsisierto kan pamayuhan kan National Electrification Administration na nakapreparar na an gabos kan mga Electric Cooperatives sa bilog na nasyon para sa local asin national elections na nakatalaan na gibuhon sa Lunes, Mayo 12.
Sa sarong pahayag, sinaysay ni National Electrification Administration (NEA) Engineering Department Manager Engr. Federico Villar Jr, gabos kan mga ini an nag-agi sa masusing inspeksiyon asin preventive maintenance activities partikularmente na an gabos kan mga substation kaini.
Sa siring na paagi soboot, kumbensido an ahensiya na mayong magigin aberya sa mismong aldaw kan eleksiyon.
Sigun ki Villar, nagsagibo na an mga coop nin line clearing operations asin pigribayan na man an mga power transmission asin distribution system components na kritika tanganing magdagos-dagos an supply kan kuryente.
Apwera digde, nagsagibo na man nin inspeksiyon sa gabos kan mga electric facility na matao nin supply kan kuryente sa mga voting asin canvassing centers ngunyan na eleksiyon.
An lakdang na ini kan ahensiya an basado na man sa direktiba kan Department of Energy kaibahan an Task Force on Energy Resilience kan ahensiya.
